تبلیغات
ارس دیاری - بیرنئچه بایاتی

عزیزیم كیمی گوزلر
تار چالان كیمی گوزلر
قاشون كیمی قاش اولماز
گوزلرین كیمی گوزلر

***

بو داغدا مه‌لر گلر
داغلاری انر گلر
نامرده توش اولانین
باشینه نه‌لر گلر؟

***

بو داغدا اكدیم اكین
آلدیلر الیمده كین
هیچ كافر هیچ مسلمان
اولماسین منیم تكین

***

بیر قوش گلیر آغ داشدان
خبر ویریر قارداشدان
قارداش باجیدان دویسا
باجی دویماز قارداشدان

***

بو گلن اوزون بیلمز
دانشسا سوزون بیلمز
هر گلیب سو دولدوران
چشمه نین گوزون بیلمز

***

بوستانام تاغیم آغلار
غمدن یاپراغیم آغلار
ساغام اوزوم آغلارام
اولسم توپراغیم آغلار

***

بو دره نارین دره
گیتدیكجه نارین دره
بوردا بر باغ سالدیم
یار گله نارین دره

***

آی چیقدی قادر آللاه
تقصیریم نه در آللاه
یا منیم سووگولیمی
یا منی ئولدور آللاه

***

آغ آلما قیزیل آلما
نیمچه یه دوزول آلما
چیركین آل نجیب اولسون
بد اصیل گؤزه‌ل آلما



تاریخ : یکشنبه 14 اردیبهشت 1393 | 09:52 ب.ظ | نویسنده : عبدالله فرج زاده | نظرات
.: Weblog Themes By VatanSkin :.